A Famiglia Stuart di Corsica discenda di l'Alti Steward di Scozza .
Unu frà i famosi antenati di sta famiglia hè Sir John Stewart of Bonkyll, eroe di a prima guerra d'indipendenza scuzzesa, mortu u 22 di lugliu di u 1298 mentre a battaglia di Falkirk, appoghju di William Wallace.

U primu Stuart di sta sterpa, Manuel Stuart, hè ghjuntu in Corsica in u 1766 pè difende l'intaressi di i so cucini, l'ultimi riprisentanti di a Casa Reale Stuart esilati in Italia, rispettantu accordi sìcreti incù Pasquale de Paoli.

Manuel Stuart era una cunnuscenza di Pasquale de Paoli perchè sò stati suldati inseme in Porto Longone. Ha cumbattutu à fiancu à i paolisiti in lu 1768,1769 è 1774. Dopu 6 anni passati à a machjà, hè mortu in circustanze viulente u 22 di nuvembre di u 1780, in Petralba, à l'età di 45 anni.

A sopravivenza di u so figliolu unicu , Giovanni Stuart, hè in leia stretta incù u sacrifiziu di Carlu Felice Grimaldi d'Esdra ricusandu di rimettelu à i sbiri di u Viziu-Rè Elliot in u 1795. Giovanni Stuart hè rivenutu in Castifau in u 1805, è s'hè maritatu incù Orsola Maria Parsi d'Ascu. Di stu matrimoniu discendanu tutti i Stuart di Corsica è e so parentelle numarose.

L'antica famiglia di Manuel Stuart, quella di u XVII seculu hè sempre studiata indè u quadru di ricerche in genealugia genetica aduprendu l'ultimi mezi tecnologichi di ricerca ADN (vede à u gruppu di ricerca S781). Pè u mumentu a nostra ipotesa ghjè chì Manuel Stuart hè un disciendente di John Stewart of Innermeath and Durrisdeer (1348-1421). Sapemu dinu chì Manuel Stuart è i so cugini Flori di Lozzi so discendenti di u Tenante Thomas Christopher Laurence Smith (1592-1638) di u Lancashire (Ingliterra).

A FAMIGLIA STUART DI CORSICA PO FA PARTE DI A STERPA ATHOLL, BUCHAN O GRANDTULLY.

         -------------------------